Las investiziuns en aviuns che fan damain canera valan la paina. Il dumber dals abitants mulestads da canera en la vischinanza da l'eroport da Turitg è sa reducì l'onn passà marcantamain. L'onn passà han anc radund 60'000 persunas inditgà da vegnir mulestadas entras la canera dals aviuns, 5'000 pli pauc ch'il 2017.
La valur directiva fixada en l'index da canera da sgol a Turitg fiss dentant anc ina giada per in quart pli bassa. La raschun principala per il meglierament l'onn passà sajan novs aviuns che fan damain canera, scriva il chantun Turitg che maina l'index da canera da sgol.
Canera custa da nov er dapli
A l’eroport da Turitg valan dapi il settember er pli autas taxas da canera. Per aviuns che partan la damaun baud u la saira tard ston societads aviaticas dapi lura pajar dapli. Per exempel sto ina societad pajar in supplement da 1’500 francs enstagl da 400 francs per in sgol che parta tranter las 22:30 e las 23:00.
Ord l'Archiv:
RTR novitads 12:00