Puncto nunpunctualitad è Turitg cun quai sin plazza duas dals 20 pli gronds eroports en Svizra, Austria e Germania. Genevra sa tschenta sin plazza 5. Il pli pauc punctual è tenor il studi dal portal «Airhelp» l'eroport a Frankfurt am Main, il pli punctual quel a Dortmund. Per quella rangaziun ha il portal analisà l'emprima mesadad da l'onn 2019.
Aura e passagiers che ston midar sgols
Il schlet resultat declera ina pledadra da l'eroport da Turitg uschia: Turitg saja ferm suttapost da l'aura. Surtut tar la bisa na possian betg tants aviuns partir sco planisà. Vinavant haja Turitg adina puspè retard pervi da passagiers che ston midar aviun. Ils eroports cun buns resultats en il studi hajan dentant strusch passagiers che ston midar sgol – perquai sajan quels er pli punctuals.
La mira da l'eroport da Turitg saja, che 80% dals sgols partan punctuals, u cun in retard da maximalmain 15 minutas. Ch'els ston sa meglierar ferm di er la pledadra sez.
RR novitads 09:00