Siglir tar il cuntegn

Header

audio
Mezdi: Studi always on – co èsi per ils giuvenils d'esser adina online
Or da Actualitad dals 26.08.2019.
laschar ir. Durada: 3 minutas 19 Secundas.
cuntegn

Esser online Giuvens pli conscients che creschids

Scriver cun collegas e collegs, guardar videos, giugar gieus u per exempel esser activ sin las medias socialas: En media èn giuvenils quatter uras il di online. Persunas creschidas dus uras e mez. Quai mussa in studi ch'è vegnì fatg sin incumbensa da la Cumissiun federala per l'uffanza e la giuventetgna. Dentant era sch'ils giuvens èn en media dapli online che lur geniturs van els enturn pli precaut cun il mund digital. Els fan dapli patratgs che creschids cura ch'els èn online, di il studi. Ina part dad els haja perfin ina strategia per il mund digital. Uschè vegnan per exempel duvradas apps che limiteschan il temp ch'ils giuvens èn davant il monitur.

Squitsch da medias socialas

La mesadad dals giuvens dumandads sa sentan sut squitsch d'esser adina online. Oravant tut las medias socialas sajan in factur da stress. Mintga terza persuna sa senta sut squitsch da medias socialas cun in effect da recumpensa per exempel tras «likes».

Il studi mussa che mintga quart giuvenil vegn gnervus sch'el na po betg esser online per in temp. Uschia haja ina gronda part dad els era effects da mancanza.

Per il studi en vegnids dumandads passa 1'000 persunas tranter 16 e 25 onns e bundant 400 persunas tranter 40 e 55 onns.

Tgenina plattafurma dovran giuvenils quant ditg?

Text, tun e video – per mintga gust datti infurmaziuns. Ma tuttina han giuvens pretensiuns al mund da medias. Era Battaporta ha tractà quest tema:

video
Adina online – era per las novitads
Or da Battaporta dals 19.02.2018.
laschar ir. Durada: 1 minuta 48 Secundas.

RR actualitad 12:00

Artitgels legids il pli savens