Tranter ils chantuns datti grondas differenzas tar ils repatriaments dad esters criminals. Quai scriva la gasetta «Schweiz am Wochenende», ch’ha analisà las cifras da l’Uffizi federal da statistica dal 2019.
Tenor il rapport repatriescha il chantun Lucerna 9 da 10 esters cha sajan vegnids sentenziads. Il Grischun 8 da 10. Ils chantuns Valais e Soloturn repatrieschian dentant be mintga terz.
Per declerar las differenzas tranter ils chantuns datti trais ipotesas:
- La criminalitad variescha da chantun tar chantun. Tenor quai avess Lucerna in grond problem cun criminals da l'exteriur. Quei ch'è betg il cas.
- En intgins chantuns reglan ils procuraturs publics ils cas cun in mandat penal, uschia ch'in repatriament è nagina opziun. Tenor l'Uffizi federal da statistica è quai effect dentant pitschens.
- Intgins derschaders na sentenzieschan betg rigurus avunda e fan diever da l’uschenumnada clausula per cas da direzza. Cun quella po in derschader desister d’in repatriament. Il president da la Dretgira superiura da Soloturn, Hans-Peter Marti, conceda, che lur chombra saja betg ina da las rigurusas e ch'ella examineschia mintga cas exact.
Ord l'archiv
Ils 1. d'october 2016 è la lescha che regla co repatriar esters criminals ida en vigur.
video
Iniziativa per il repatriament effectiv - per tge vai?
Or da Telesguard dals 05.02.2016.
laschar ir. Durada: 1 minuta 13 Secundas.