Siglir tar il cuntegn

Header

cuntegn

Svizra ETH sin plazza otg en ranking mundial

La scola politecnica federala da Turitg resta ina da las meglras scolas autas dal mund. Tenor il «QS World University Ranking» è l'ETH Turitg sin plazza otg da las meglras scolas autas. L'onn passà era ella anc sin plazza nov.

QS World University Rankings

Avrir la box Serrar la box

La glista da las meglars scolas autas vegn fatga da l'interpresa QS Quacquarelli Symonds dapi l'onn 2004. Quella interpresa ha 150 biros en l'entir mund e s'occuppa cun ils secturs scolaziun e studegiar en l'exteriur. Malgrà critiga vid la metoda d'erurir tge universitad ch'è quant buna vala il ranking sco quel cun la pli blera influenza.

En l'Europa continentala vegn l'ETH Turitg schizunt taxada sco meglra scola auta. La scola politecnic federala da Losanna è sin plazza 14 da la rangaziun mundiala.

Sin las emprims trais plazzas èn las scolas autas americanas: Massachusetts Institute of Technology (MIT), Stanford e Harvard.

Autras scolas autas svizras pli lunsch enavos

Da las autras scolas autas svizras taxadas en ils QS World University Rankings suondan las universitads da:

  • Turitg (plazza 80)
  • Genevra (95)
  • Losanna (138)
  • Basilea (141)
  • Berna (181)
  • Son Gagl (288)

Artitgels legids il pli savens