Per predir meglier schabetgs sco plievgia intensiva ed auas grondas vul l’ETH a Turitg sviluppar models d'aura e da clima pli exacts. Cun ils models actuals vegnian ils perscrutaders a cunfins. Perquai veglia la Scola politecnica federala ETH nizzegiar bler dapli puncts d'observaziun sin cartas globalas d'aura e da clima.
Optimar calculaturs
Enstagl d'ina distanza da 50 fin 100 kilometers tranter ils singuls puncts, duajan quels mo pli esser in kilometer in ord l'auter. Per quest project collavurescha l’ETH cun divers instituts svizzers e da l'exteriur. Tranter auter dovri computers bler pli sperts.
Ord l'archiv
Guardar ord fanestra na tanscha betg per pudair far las prognosas. Co ils meteorologs e las meteorologas lavuran – ina visita tar SRF Meteo mussa quai.
video
Co ils meteorologs fan la prevista da l’aura
Or da Minisguard dals 13.02.2021.
laschar ir. Durada: 6 minutas 1 Secunda.