L'ETH da Turitg è sa catapultada da plazza 7 sin plazza 1. Quella da Losanna è sa megliurada da plazza 4 sin plazza 2. E cun l’Universitat Turitg (plazza 15) è anc ina terza scola auta da la Svizra sa platgada tranter ils top 20.
En egl dat tar questa cumparegliaziun internaziunala, che las universitads americanas – ch'èn per ordinari tranter las meglras – mancan sin la glista da las 20 meglras. Scolas sco per exempel CalTech, MIT, Harvard, Yale e Stanford valevan onns sco megliras scolas autas sin l’entir mund. La mancanza dals Stadis Unids da l’America sin ils prims plazs è tenor il magazin «Times Higher Education» remartgabel.
La glista cumpareglia tranter la cumpart da students internaziunals e commembers da la facultad sco er la cumpart da publicaziuns che vegnan publitgadas cun almain in autur d'in auter pajais.
RR actualitad 11:00