Siglir tar il cuntegn

Header

Navigaziun

cuntegn

EUR/CHF 1,0987 Euro croda vinavant

L'euro croda vinavant en cumparaziun cun il franc svizzer. Oz è el crudà sut la valur dad 1,0985 francs. L'ultima giada che l'euro è crudà sin quest nivel è stà avant dus onns.

mantun euros e mantun francs.
Legenda: L'avrigl stuevan ins anc pajar 1,14 francs per 1 euro. Dapi la fin avrigl vegn il franc svizzer puspè pli ferm. Il mument è il curs tar 1,0987. Keystone

Raschun per l'euro debel

Sin il martgà speran ils commerziants ch'ils tschains vegnan reducids. La gievgia publitgescha la Banca centrala europeica (BCE) sia decisiun. Ulteriurs motivs per l'euro debel èn l'economia flaivla, sco er las tensiuns politicas en differents pajais europeics, uschia experts.

BNS stuess eventual agir

Sche l'euro crudass suenter la decisiun da la BCE marcantamain sut 1,10 francs pudess quai sfurzar la Banca naziunala svizra (BNS) dad agir, hai num al martgà. Il passà era la BNS vegnida encunter al franc ferm ed aveva intervegnì al martgà da devisas, quai enten cumprar euros per francs.

RR novitads 17:00