Il chor è vegnì undrà sonda saira al ultim di dal festival a Göteborg en Svezia per sia prestaziun en la categoria musica sacrala. Igl è gia la terza medaglia d'aur per il chor sut la batgetta da Martin Zimmerman.
Il Chor da giuvenils grischun ha gia gudagnà duas giadas aur a Göteborg, quai en la categoria dals chors da creschids.
Il festival ha gì lieu dals 3 fin ils 10 d’avust a Göteborg en Svezia. Prendì part han chantaduras e chantadurs da l’entir mund. Il festival «European Choir Games» è vegnì organisà quest onn per la quarta giada.
RR novitads 14:00