Siglir tar il cuntegn

Header

Navigaziun

Gruppa da musica da pop cun tschintg persunas.
Legenda: Luca Hänni è vegnì fitg datiers ad ina sensaziun a l«Eurovision Song Contest» a Tel Aviv. Keystone
cuntegn

Eurovision Song Contest La Svizra vegn quarta a Tel Aviv

Cun sia chanzun «She Got Me» ha il Bernais Luca Hänni procurà per la meglra rangaziun da la Svizra al «Eurovision Song Contest» dapi 26 onns.

  • Il victur da la 64avala ediziun da l’ESC èn ils Pajais Bass.
  • Il chantadur Duncan Laurence ha persvadì cun il titel «Arcade».
  • Ils Pajais Bass gudognan per la tschintgavla giada il «Eurovision Song Contest».

Duncan Laurence valeva gia dapi emnas sco favurit dals candidats da l’«Eurovision Song Contest» da quest onn. Era cuntanschì il podest ha l’Italia sco segunda e la Russia sco terza.

Luca Hänni en top quatter

Cun sia chanzun «She Got Me» ha il Bernais purtà a chasa 360 puncts. El speria che la Svizra saja loscha dad el.

Esser en ils top diesch da 41 pajais è quasi sco gudagnar l’ESC.
Autur: Luca HänniEl ha represchentà la Svizra a l’ESC.

El haja in plaschairun e dia simplamain grazia», ha ditg il Bernais da 24 onns envers SRF.

La pli gronda concurrenza da musica dal mund

Cun 200 milliuns telespectaturs è il «Eurovision Song Contest» la pli gronda concurrenza da musica dal mund. En tut èn 41 pajais stads da la partida a l’ediziun da quest onn. L’onn che vegn è l’ESC lura en ils Pajais Bass. El è adina en il pajais dal victur da l’onn avant.

RR novitads 06:00