Evaluà il potenzial turistic per Andermatt

Il resort da turissem ha in grond potenzial economic per la vallada ed il chantun Uri.

Plans per Andermatt. Bild in Lightbox öffnen.

Legenda da maletgs: Plans per Andermatt. MAD

Dapi 2009 investescha Samih Sawiris en il resort da vacanzas ad Andermatt. A lunga vista pudess quel crear fin a 2'900 ulteriuras plazzas e generar mintg’onn entradas da taglia da 15 milliuns francs. Quai constatescha il studi da la firma Ecoplan ch'è vegnì fatg sin incumbensa dal Departament da l'economia publica uranais.

Svilup da las pernottaziuns ad Andermatt tenor il studi da Ecoplan. Avrir maletg en lightbox.

Legenda da maletgs: Svilup da las pernottaziuns ad Andermatt tenor il studi da Ecoplan. Ecoplan

Il svilup economic en la Val d'Ursera mussa ensi. Da 2005 – 2015 è la populaziun d'Andermatt creschida da 1'316 sin 1'600 persunas ed il dumber da persunas occupadas è creschì per 18 %. En quels diesch onns han ins bajegià ca. 300 abitaziuns novas ad Andermatt. Las pernottaziuns èn s’augmentadas per 20 %.

Investiziuns da sur 1 milliarda francs

Sawiris ha investì fin uss passa 725 milliuns francs; e fin 2022 vul la Andermatt Swiss Alps SA anc investir da quai da 400 milliuns francs, surtut en hotels, chasas d'appartaments ed en il territori da skis.

Sursiglir cuntegn supplementar

Las investiziun 2017 - 2022

  • 200 milliuns per hotels ed appartaments
  • 125 milliuns per il territori da skis
  • 80 milliuns per ils implants da la viafier
  • 37,5 milliuns per novas abitaziuns tar la staziun d'Andermatt

Da questas investiziuns profitescha cunzunt la branscha da bajegiar. Ils impressaris pon far mintg’onn ina svieuta da 36 milliuns francs (en tut 215 milliuns). Ed i vegn a dar dapli persunas occupadas. Fin 2022 vegni a dar ca. 225 plazzas a temp cumplain en connex cun il resort da vacanzas, la gronda part (65%) en la branscha da bajegiar.

Il svilup dal dumber da letgs tenor il studi da Ecoplan. Avrir maletg en lightbox.

Legenda da maletgs: Il svilup dal dumber da letgs tenor il studi da Ecoplan. Ecoplan

Mo era hotels ed abitaziuns da vacanzas profiteschan. Dal 2017 fin 2022 datti ca. 2'200 letgs dapli (+250%). Las pernottaziuns vegnan a s’augmentar a passa 260’000 ad onn (ca. +30 %). Andermatt avess alura dapli pernottaziuns che p.ex. Flem-Laax, scriva il studi. A lunga vista pudess Andermatt schizunt avair passa 400’000 pernottaziuns per onn.

Il studi d'Ecoplan quinta era, che l’Arena da skis Andermatt-Sedrun possia augmentar il dumber da giasts dal di (Skierdays) a ca. 580’000 (+70%). Entras la lavur en il resort ed en il territori da skis duessi dar ca. 1'600 plazzas a temp cumplain supplementaras.

Mo per realisar quest potenzial ston tschertas cundiziuns esser dadas:

  • I sto dar avunda abitaziuns, surtut ad Andermatt.
  • Las colliaziuns da traffic ston esser bunas.
  • La regiun ed il chantun ston far reclama a moda effizienta.
  • I sto dar products e servetschs locals e regiunals attractivs.
    La populaziun, ils politichers ed interprendiders da chantun Uri ston nizzegiar las pussaivladads entras atgna iniziativa e responsabladad.

RR novitads 11:00