Il cussegl da fundaziun da la Pro Senectute Svizra haja nominà Widmer-Schlumpf unanimamain sco candidata per l'elecziun, scriva l'organisaziun. Ella duai daventar successura dal president actual Toni Frisch che remetta ses uffizi sco planisà il prim d'avrigl 2017. La cumissiun che ha gì il pensum da tschertgar in successur ha evaluà pliras persunalitads ord la politica, la societad e l'economia.
Nus essan fitg cuntents d'avair gudagnà Eveline Widmer-Schlumpf per noss'organisaziun e noss temas.
L'elecziun da la nova presidenta da la Pro Senectute Svizra succeda la fin d'october. Eveline Widmer-Schlumpf cumenza ses uffizi l'emprim d'avrigl 2017 a chaschun da la festa da 100 onns Pro Senectute.
RR novitads 17:00