Siglir tar il cuntegn

Svizra Eveline Widmer-Schlumpf en il focus

Suenter las elecziuns dal parlament è avant l'elecziun dal Cussegl federal e suenter la clera victoria da la dretga sa tschenta la dumonda: Stat Eveline Widmer-Schlumpf a disposiziun per la reelecziun?

Eveline Widmer-Schlumpf
Legenda: Eveline Widmer-Schlumpf na duai betg sa metter a disposiziun per in'ulteriura perioda d'uffizi. Keystone

La nova constellaziun dal parlament è clera. La gronda victura è la dretga cun la PPS che gudogna 11 sezs e vegn uschia sin 65 mandats, il pli aut dumber ch’ina partida ha gì insacur. Gudagnà han er ils liberaldemocrats cun plus 3 sezs e da nov 33 represchentants en il parlament. Pers han las partidas cun ils temas ecologia. Ils socialdemocrats perdan 3 sezs ed era las partidas da mez han stuì laschar plimas.

Tge munta quai per la Cussegliera federala da la PBD, Eveline Widmer-Schlumpf? Sch’Eveline Widmer-Schlmpf sa metta a disposiziun anc ina giada sco Cussegliera federala, e quai n’è anc betg segir, lura datti duas partidas che na reelegian segiramain betg pli ella; la PPS e la PLD. Quai han ditg ils presidents da partida da la PPS, Toni Brunner e Philipp Müller da la PLD en discurs cun RTR.