Siglir tar il cuntegn

Header

cuntegn

Svizra Eveline Widmer-Schlumpf tascha

Ier saira è la cussegliera federala Eveline Widmer-Schlumpf puspè sa mussada davant ils schurnalists, l'emprima giada dapi las elecziuns. Il tema; La chapitalisaziun da las bancas. Il problem; Bunamain nagin schurnalist che s'interessava per quest tema, tuts preschents vulevan savair be ina chaussa.

Vul Eveline Widmer-Schlumpf demissiunar, e sche gie, cura?

audio
Bunura: Avegnir dad EWS – atmosfera tar ils schurnalists a Berna
ord Actualitad dals 22.10.2015.
laschar ir. Durada: 5 minutas 35 Secundas.

Il pledader dal Cussegl federal André Simonazzi ha gì da manar in dir cumbat cunter questas dumondas. Gia a l'entschatta vuleva el far cler ch'i na dettia naginas respostas sur da dumondas che pertutgan elecziuns. Mo senza success. Ils schurnalists han empruvà tut las strategias per tuttina survegnir indizis, quai cun far dumondas che vevan be superfizialmain da far cun il tema uffizial da la conferenza.

Las respostas bramadas da la cussegliera federala na devi betg, ma per la paja in pitschen spectacul politico-mediatic.

Artitgels legids il pli savens