Cun agid d’in nov test da la Suva pon skiunzs e snowboarders sclerir, quant privlusa che lur moda e maniera da sa muventar sin pista è. Il test pon tuts e tuttas far online.
En Svizra sa blessan mintg'onn radund 65’000 sportists da naiv, communitgescha Institut svizzer d'assicuranza d'accidents Suva. Ils accidents na muntian betg mo dolurs e fastidis per ils pertutgads, mabain era custs annuals da 269 milliuns francs per ils assicuraders.
Il test da la Suva
En tut differenziescha il test 12 differents tips da sportists e sportistas da naiv. Per chattar ora tge tip ch’ins è, hai num respunder a var 50 dumondas. Sin basa da las respostas creescha il program in profil da ristg persunal.
RR novitads 12:00