A Berna han radund 300 represchentants da Confederaziun, chantuns e branscha da sanadad discutà sur dal tema surprovediment. Ed en in punct èn ils experts da medem avis, scriva l'Uffizi federal da sanadad BAG: en Svizra datti tractaments che cuntradin a las normas medicinalas.
Dapli dialog tranter medis e pazients
Terapias ed intervenziuns nunnecessarias u perfin cuntraproducitvas exponian pazients a ristgas inutilas; quai cunzunt tar umans pli passads. Ina raschun per quai sajan fauss impuls finanzials.
Per meglierar la situaziun duai quai per exempel dar dapli dialog e collavuraziun tranter medis, tgiraders, pazients e lur confamigliars.
Il rapport «sanadad 2020» fixescha las prioritads da la politica da sanadad svizra.
RR novitads 18:00