In stretg ami da Marcel Ospel ha confermà envers l'agentura da novitads Keystone-SDA la mort da l'anteriur banchier. Quel saja mort la notg da la sonda sin la dumengia en consequenza da cancer, quai cun 70 onns.
Marcel Ospel è stà l'emprim schef da concern da la UBS, e davent dal 2001 ha el presidià il cussegl d'administraziun. En il temp da la crisa da finanzas, ha Ospel lura desistì il 2008 sin sia reelecziun.
Marcel Ospel è adina puspè stà in banchier dispitaivel. Uschia hai dà critica pervia da sia rolla cura che la societad aviatica Swissair è ida en paglia, e pervi da sias pajas autas.