Ex-CEO da Zurich è mort

L'anteriur schef dal concern d'assicuranzas Martin Senn ha fatg suicidi en la vegliadetgna da 59 onns.

Um mort. Bild in Lightbox öffnen.

Legenda da maletgs: Martin Senn ha manà la Zurich durant 6 onns fin la fin dal 2015. Keystone

L’anteriur schef dal concern d'assicuranzas Zurich Martin Senn è mort. El ha fatg suicidi venderdi passà. Quai ha communitgà Zurich. El haja fatg suicidi a Claustra en il Partenz. Davart la raschun na datti naginas indicaziuns uffizialas.

Martin Senn è stà durant 6 onns (2009-2015) il schef da Zurich. La fin dal 2015 ha el bandunà il concern d'assicuranzas. La demissiun surprendenta da Senn era vegnida annunziada be in mais avant. Avant n’era la surpigliada da l’assicuranza britannica RSA Insurance Group betg gartegiada. Ultra da quai era er il gudogn sfundrà.

Il 2013 aveva gia il schef da finanzas da Zurich, Pierre Wauthier, fatg suicid. En ina brev da cumià aveva lez rinfatschà al cussegl d'administraziun d'avair fatg memia grond squitsch.

RR novitads 10:00