Reto Wittwer duai aviar engulà ils daners il 2004 cun las provisiuns pajadas per intermediar ils partenaris dals projects da hotel en l’Africa ed en il Proxim Orient. Provisiuns che sajan normalas en la branscha. Tenor infurmaziuns dal magazin dal fatg «fvw» duai Wittwer dentant esser stà participà a la societad nua ch’ils daners per las provisiuns èn vegnids pajads. Uschia haja el profità directamain da quellas provisiuns.
L’emna passada ha la gruppa Kempinski purtà plant cunter Wittwer tar la procura publica dal chantun Genevra. La gruppa Kempinski maina tranter auter il Grand Hotel des Bains a San Murezzan.
RR novitads 14:00