- Il 2020 è radund in terz dals emprendists damain crudà tras ils examens finals ch'en media dals ultims tschintg onns.
- L'examen da matura n'han be mez uschè blers sco usità betg dumagnà.
L’onn passà han dapli persunas fatg l’emprendissadi u la matura en Svizra. Uschia sajan passa tschintg pertschient crudads tras l’examen final d’emprendissadi. Il 2019 sajan quai anc stads bunamain nov pertschient. E l’examen da matura n’hajan radund dus pertschient betg passà. L’onn precedent saja quai anc bunamain stà il dubel. Quai rapporta la »Sonntagszeitung«.
Strusch examens
Pervi da la pandemia da corona ha la mesadad dals chantuns desistì dal tuttafatg d’examens da matura. En diesch chantuns n’haja dà nagins examens a bucca. Be en trais chantuns haja dà examens a bucca ed a scrit.
Er tar ils examens finals d'emprendissadi haja dà grondas differenzas. Als tgiraders d'animals han ils manaschis per exempel pudì dar ina nota tenor bainappreziar e senza examen pervi da restricziuns da corona.