Siglir tar il cuntegn

Svizra Examinar la situaziun dal rumantsch

Dapi 10 onns è gia en vigur la lescha da linguas. Uss duai il Cussegl federal examinar l'effect da la promoziun da linguas e surtut la situaziun da las linguas minoritaras era ordaifer il territori da tschep.

Silva Semadeni.
Legenda: Silva Semadeni pretenda en in postulat che la promoziun da la lingua vegnia examinada. Keystone

Uss duai il Cussegl federal elavurar ina bilantscha sur da la promoziun da lingua. Quai pretenda la cussegliera naziunala grischuna Silva Semadeni (PS) en in postulat.

Surtut duai vegnir fatg ina bilantscha da la situaziun actuala dal Rumantsch e dal Talian e tut tenor chattar soluziuns co meglierar la promoziun da las duas linguas. Malgrà la promoziun actuala sajan ellas vinavant sut squitsch, uschia scriva Semadeni. En spezial manchia ina survista da la situaziun da las linguas minoritaras ordaifer lur territoris da tschep.

RR novitads 14:00