En Svizra duain ils pretschs da medicaments vegnir examinads mintg'onn empè da be mintga trais onns sco fin qua. Las cassas da malsauns sustegnan questa pretaisa en il rom da la consultaziun.
Uschia vul il Cussegl federal spargnar 260 milliuns francs ils proxims trais onns.
Las reglas per survegliar ils medicaments ston vegnir adattadas pervia d'ina decisiun dal Tribunal federal. La decisiun era vegnida sfurzada da la branscha da farmazia.
Cun midar la lescha vul il Cussegl federal plinavant sbassar ils custs per medicaments generics. Cunter quai sa dosta la branscha da farmazia però.
RR novitads 12:00