Il Cussegl naziunal ha approvà ina moziun dal cusseglier vallesan Mathias Reynard da la PS, cun 93 cunter 68 vusch ed 11 abstenziuns. Il davos studi pli grond davart mulesta sexuala al plaz da lavur saja vegnì publitgà avant pli che 10 onns, ha Reynard argumentà. Il Cussegl federal va d’accord cun l’incumbensa.
Gia avunda rapports
Sulet ina part da la Partida populara e dals liberals ha refusà l’incumbensa da far in tal rapport. Sia partida na veglia betg bagatellisar la tematica, ha ditg Verena Herzog da la PPS. Dentant sa fatschentian gia divers posts cun il problem.
La dumonda per in rapport davart mulesta sexuala va ussa en il Cussegl dals chantuns.
RR novitads 16:00