La raschun che adina dapli persunas fetschian diever da l'accumpagnament sajan dasper quai ch'il dumber da commembers creschia, er che la populaziun vegnia adina pli veglia. Las persunas ch'han decis da far suicidi cun Exit avevan en media 78 onns. La fin da l'onn passà ha Exit dumbrà passa 120'000 commembers. Quai èn 30% dapli ch'il 2017.
Las raschuns per il suicidi èn il pli savens la malsogna da cancer (344 cas), malsognas da vegliadetgna (245 cas) u malsognas cronicas (75 cas). En tut restia il dumber da suicidis accumpagnads dentant pitschen en Svizra. Il dumber fetschia or radund 1,5% da tut ils 65'000 mortoris ad onn.
RR novitads 11:00
