Er l'onn passà è vegnì investì dapli en la construcziun auta. Cumpareglià cun l'onn 2016 èn las expensas s'augmentadas per 2,1%. En la construcziun bassa èn ellas dentant sa reducidas per 5,2%. Quai communitgescha l'Uffizi federal da statistica (BFS).
Entant ch'ils investiders privats han dà ora dapli per la construcziun auta èn sa reducidas las expensas da la Confederaziun, ils chantuns e las vischnancas. Las expensas per la construcziun bassa èn sa reducidas il 2017 tant tar ils privats sco tar il maun public.
Augment dal volumen da lavur
La reserva da lavur (expensas) per l'onn sequent 2018 dals bajetgs en construcziun è (di da referenza 31.12.2017) s'augmentà per 2,6%.
