Siglir tar il cuntegn
Inhalt

Svizra Expertisa tecnica suenter accident a Sigirino

Suenter l’accident dad in car tudestg en il Tessin investigheschan ussa las autoritads pertge che l'accident è capità.

Accident da car.
Legenda: Il car demolì sin l'autostrada. Keystone

La polizia haja dà l’incumbensa per in’expertisa tecnica. Quai ha ditg in pledader da la polizia envers l’agentura da novitads tudestga DPA. La polizia n’haja anc betg pudì interrogar il manischunz dal car, cunquai che quel saja grevamain blessà.

Accident mortal

Dumengia è in car tudestg cun giuvenils da Cologna ch’era en viadi sin l’autostrada vers l’Italia, charrà al nord da Lugano en ina pitga. Ina dunna da 27 onns è morta e 15 ulteriuras persunas èn vegnidas blessadas. En tut sa chattavan 25 persunas en il car.

RR novitads 12:00