La polizia haja dà l’incumbensa per in’expertisa tecnica. Quai ha ditg in pledader da la polizia envers l’agentura da novitads tudestga DPA. La polizia n’haja anc betg pudì interrogar il manischunz dal car, cunquai che quel saja grevamain blessà.
Accident mortal
Dumengia è in car tudestg cun giuvenils da Cologna ch’era en viadi sin l’autostrada vers l’Italia, charrà al nord da Lugano en ina pitga. Ina dunna da 27 onns è morta e 15 ulteriuras persunas èn vegnidas blessadas. En tut sa chattavan 25 persunas en il car.
RR novitads 12:00