Il rapport conferma quai che l'emissiun Rundschau da la televisiun svizra aveva rapportà il 2013. Lezza aveva pretendì che Mörgeli haja acceptà passa in tozzel titels da doctur dispitaivels, oravantut per scriver giu texts vegls. Ils standards da lavurs da las scienzas umanas na sajan betg vegnids resguardads.
Sco basa prenda il rapport dissertaziuns fatgas ils onns 2002 fin 2012 a l’institut medicinal-istoric a Turitg. Ils experts internaziunals che han fatg il rapport han taxa ultra da Mörgeli anc auters referents da doctorats.
Ritzmann taxada il meglier
Lunsch ora il meglier vegn taxada Iris Ritzmann, l’anteriura collavuratura da Mörgeli. Era schlettas notas survegn Beat Rütimann, l’anteriur schef da Christoph Mörgeli.
Ils experts han examinà 39 lavurs da doctorands selecziunadas casualmain.
RR novitads 12:00