Tar la firma Rohner a Pratteln en il chantun Basilea-Champagna hai dà in'explosiun en ina fabrica. En consequenza ha brischà il bajetg. L'incendi ha dentant pudì vegnir stizzà anc la damaun.
Las duas persunas blessadas na sa chattan betg en privel da vita, uschia in pleadader dal stab da crisa dal chantun.
Raschun è nunclera
La raschun per l'explosiun n'è fin uss betg enconuschenta ed è part da las examinaziuns. La polizia, ils pumpiers ed ils spezialists da chemia èn stads al lieu. En il bajetg pertutgà hai dà in grond donn da material sin pliras auzadas.
Tenor emprims indizis hai dà l'explosiun en ina staziun d'embuttigliar, ha ditg in pledader da l'interpresa. Dapli detagls na datti actualmain betg.
La fabrica da la RohnerChem AG sa chatta a la staziun da Pratteln. L'interpresa producescha tenor sia pagina d'internet substanzas chemicas finas e substanzas farmaceuticas.
RR novitads 10:00 / 11:00