L'iniziativa na vul betg in scumond absolut d'exports d'armas. Ella pretenda che naginas armas svizras pon vegnir exportadas en pajais che cuntrafan a moda sistematica als dretgs umans u en pajais ch'èn involvids en in conflict. Tenor il text da l'iniziativa na po il Cussegl federal betg pli decider a moda autonoma davart ils exports da material da guerra, il parlament ed il pievel ston dar lur consentiment.
Cussegl federal vul schluccar criteris
L'iniziativa era vegnida lantschada, suenter ch'il Cussegl federal aveva fatg a savair ch'el vul schluccar ils criteris per exportar material da guerra. Da nov duain interpresas d'armament er pudair exportar armas en pajais da guerra civila, schi na dettia nagina raschun da supponer che quellas armas vegnan er duvradas per quest conflict. Cun quai ha il Cussegl federal vulì sustegnair l'industria d'armament.
L'iniziativa è vegnida lantschada il december, ils 24 da zercladur è ella vegnida inoltrada.
RR novitads 15:00
