En vista a las discussiuns actualas davart l’export d’armas vul il president da la PLD, Thierry Burkart, midar la lescha davart il material da guerra. Quai rapportan las gasettas da la dumengia.
Concret pretenda Burkart che stadis che partian las medemas valurs sco la Svizra ed hajan er reglas sumegliantas per controllar exports na stoppian betg pli suttascriver ina decleraziun, sch’els cumprian armas en Svizra e furneschian quellas silsuenter a stadis terzs. Per quest intent veglia il president dals liberaldemocrats inoltrar ina moziun en il parlament la jamna che vegn. Il medem mument ha Burkart dentant era suttastritgà che furniziuns directas a partidas da conflict vegnian per el buc en dumonda. Tenor el violass in tal pass la neutralitad da la Svizra.
