Suenter il Cussegl dals chantuns ha era il Cussegl naziunal decidì da stritgar ina clausula d’excepziun per il Cussegl federal pertutgond l’export dad armas.
Cun quai ademplescha il parlament per gronda part la pretaisa da l’iniziativa cunter export d’armas en pajais da guerra civila. L'iniziativa è sinaquai vegnida retratga dals iniziants. Ella vuleva scumandar dal tuttafatg exports d’armas en pajais da guerra civila – ina cunterproposta indirecta dal Cussegl federal avess previs ina clausula d’excepziun per permetter tuttina exports da material da guerra – omadus cussegls han decis da stritgar quella clausula.