Siglir tar il cuntegn

Header

cuntegn

Svizra Export svizzer da material da guerra crescha

La Svizra ha exportà l'onn passà material da guerra per 510 milliuns francs. Quai èn 14% dapli cumpareglià cun l'onn avant.

L'augment saja surtut da declerar cun il fatg che las cifras resguardan da nov er las reparaturas ed ils exports temporars, communitgescha il secretariat statal per economia SECO. Tut en tut han las interpresas d'armaziun svizras exportà rauba da guerra en 64 pajais. Quai cun lubientscha da la Confederaziun.

audio
Mezdi: Export d'armas – la problematica
ord Actualitad dals 26.02.2019.
laschar ir. Durada: 3 minutas 40 Secundas.

Bundand 76% da tut ils exports èn ids en l'Europa. La gronda part da la rauba è ida en Germania, suandà dal Danemarc ed ils Stadis Unids. Il pli bler han ins exportà muniziun, suandà da tancs ed auters vehichels.

RR actualitad 12:00

Artitgels legids il pli savens