Uras svizras èn dumandadas en l'exteriur. L'emprim mez onn ha l'industria dad uras svizra vendì 10,5% dapli uras en l'exteriur. Quai correspunda ad exports da 10,5 milliardas francs, uschia communitgescha l'associaziun da l'industria d'uras svizras. I saja il pli ferm mez onn dapi il 2012.
En l'exteriur èn cunzunt uras en valita da 500 fin 3'000 francs dumandadas. Il martgà principal restia vinavant Hongkong. La hajan ins pudì vender uras svizras per 1,5 milliardas francs. Silsuenter suondia il martgà american (1,1 milliardas francs) e China (816 milliuns francs). Pli paucas uras han ins pudì vender en Spagna, Gronda Britannia ed en l'Italia.
