Siglir tar il cuntegn

Svizra Exportà material da guerra per 224 milliuns francs

Durant l'emprim mez onn dal 2016 ha la Svizra exportà 11% dapli material da guerra ch'avant in onn.

L'interpresa RUAG ad Emmenbrücke producescha tranter auter material da guerra. Ins vesa dus umens che lavuran vid in panzer.
Legenda: L'interpresa RUAG ad Emmenbrücke producescha tranter auter material da guerra. Keystone

La raschun per quest augment èn venditas dad armas en il Pakistan, l'India ed en l'Africa dal sid. Quai mussa ina statistica dal secretariat statal per economica SECO. En l'Africa dal sid ha la Svizra exportà material en la valita da 37 milliuns francs, en il Pakistan radund 25 milliuns ed en l'India 30 milliuns francs.

Ils exports en intgins pajais europeics perencunter èn sa sminuids marcantamain, cumpareglià cun il medem temp da l'onn avant. En la Germania ha la Svizra exportà material en la valita da 41 milliuns francs. Quai èn 22 milliuns pli pauc. L'export en Gronda Britannia è sa sminuì per radund 14 milliuns sin stgars 2 milliuns francs.
RR novitads 14:00