Anc mai ha la Svizra exportà rauba per tants daners sco il segund quartal da quest onn: 66,21 milliardas francs importa la valur da la rauba exportada. Igl è l'otgavel quartal, nua che la svieuta d'export crescha. Cunzunt en las spartas maschinas ed electronica (+5,2%), bischutaria e metals è vegnì vendì per dapli en l'exteriur. L'export dad uras stagneschia dentant sin in aut nivel, uschia las datas da la Confederaziun.
Er tar ils imports hai dà in nov record da quartal cun 59 milliardas francs. Quai è en daners in augment da 2,4% e real da 0,6%.
Tenor la Confederaziun è quest record surtut d'attribuir als pretschs ch'èn creschids. Real ha la Svizra numnadamain exportà per 0,5% damain.