Las firmas svizras han exportà l'onn passà pli pauc. Las venditas en l'exteriur èn sa sminuidas per 2.6% u 5,5 milliardas francs sin totalmain 203 milliardas. Quai communitgescha l'Administraziun federala da duana. 9 da 10 branschas han scrit cifras cotschnas. Pertutgada il pli fitg cun radund 40% da la digren dals exports è l'industria da maschinas svizra.
Bilantscha da commerci da record
Era ils imports èn sa reducids; quai per 6.9% sin 166 milliardas francs. Uschia resulta sut il stritg anc adina in surpli d'exports da radund 36,6 milliardas francs en la bilantscha dal commerci da e cun la Svizra. Quai munta tenor l'Administraziun federala da duana in record.
En la zona da l'euro èn ils exports sa reducids per 6 milliardas francs ed ils imports per 10 milliardas.
RR novitads 09:00