Siglir tar il cuntegn

Svizra Exports sin nivel da record

Anc mai han las interpresas svizras vendì tanta rauba en l'exteriur sco ils emprims sis mais da quest onn. Ils exports èn creschids per 4,4% sin 109,6 milliardas francs.

Port da Basilea.
Legenda: La Svizra ha nudà in record tar ils exports l'emprima mesadad dal 2017. Keystone

Tenor l'Administraziun da duana federala han en spezial las interpresas farmaceuticas e da chemia attribuì al ferm augment. Dus terzs dals products vendids en l'exteriur derivan da questas duas branschas.

Cunzunt han las intepresas svizras vendì rauba en la China. Il davos mez onn èn ils exports en la China s'augmentads per 20%.

Il commerzi ha dentant prosperà er en l'autra direcziun. Ils imports èn s'augmentads per 4,8% sin passa 90 milliardas francs. Quai è il pli grond plus dapi 8 onns.

RR novitads 12:00