Siglir tar il cuntegn
Inhalt

Svizra Exports svizzers èn creschids sin 105 milliardas francs

La Svizra ha exportà l’emprima mesadad da quest onn dapli. Cumpareglià cun la medema perioda da l’onn avant èn ils exports s’augmentads per 5,1% sin 105 milliardas francs.

Effect positiv sin la bilantscha d’export svizra han gì ils pretschs da medicaments ch’èn creschids.
Legenda: Effect positiv sin la bilantscha d’export svizra han gì ils pretschs da medicaments ch’èn creschids. Keystone

L’augment da l’export svizzer saja cunzunt d’engraziar als pretschs da medicaments ch’èn creschids, communitgescha l’Administraziun federala da duana. E senza il schlantsch da l'industria farmaceutica e da chemia fissan ils resultats da l'export schizunt stads negativs.

Er importà dapli

Da resguardar en la bilantscha è dentant era che betg mo ils exports svizzers èn s’augmentads, la Svizra ha era importà dapli l’emprim mez onn. Ils imports èn s’augmentads per bunamain 4% sin 86 milliardas francs.

RR novitads 11:00