Siglir tar il cuntegn

Header

cuntegn

Extremissem Servetsch d'infurmaziun duai pudair tadlar giu extremists

En Svizra daventan extremists da la dretga e da la sanestra adina pli activs. Il sevetsch d'infurmaziun duai perquai suvegnir instruments pli rigurus. Il Cussegl federal ha tramess en consultaziun ina revisiun da la lescha dal sevetsch secret.

Avant trais onns aveva quel constatà en in rapport ch'il svilup tar l'extremissem violent saja da prender fitg serius. Perquai vul il Cussegl federal pli dirs instruments per cumbatter quel. I va per mesiras supplementaras per pudair eruir l'extremissem violent pli baud ed evitar la violenza, ha ditg la cussegliera federala Viola Amherd avant las medias. Per exempel duessi vegnir pussaivel da pudair tadlar dascus questas persunas ed organisaziuns. Pertutgadas da las mesiras duessan esser persunas e gruppaziuns che refusan ils princips democratics e dal stadi da dretg.

Oriundamain era la consultaziun planisada per la stad 2020. Il Cussegl federal reagescha uss però cun dus onns retard. La lescha revedida vegn ad ir en vigur il pli baud l'onn 2026.

audio
Per tadlar curt e cumpact
ord RTR Audio dals 19.05.2022.
laschar ir. Durada: 54 Secundas.

RTR novitads 12:00

Artitgels legids il pli savens