Siglir tar il cuntegn
Inhalt

Svizra F/A-18 escorteschan aviun israelian

Pervi d'ina smanatscha da bumbas han dus aviuns da cumbat svizzers accumpagnà in eroplan da la societad aviatica El-Al.

Carta da la Svizra.
Legenda: L'aviun israelian ha sursgulà il Nord da la Svizra. SRF

En bleras parts da la Svizra tudestga han ins udì oz en damaun da las otg e mesa duas fermas detunaziuns. Tenor la controlla svizra dal traffic aviatic Skyguide han dus aviuns da cumbat F/A-18 fatg culps suprasonics.

Ils aviuns da l'armada svizra han gì d'accumpagnar in aviun da la societad aviatica israeliana El Al sur il cunfin svizzer a Schaffusa, pervi d'ina smanatscha da bumba. Quai annunzia l'agentura da novitads sda. L'aviun ch'era sin viadi da New York a Tel Aviv ha cuntinuà ses viadi senza atterrar.

RR novitads 11:00