F/A 18: Para ha la controlla inditgà la fallada autezza da sgol

Tenor retschertgas da l’emissiun d’infurmaziun «10vor10» da SRF è l’accident d’aviun da l’armada svizra stà in sbagl da la segirtad dal spazi aviatic. Al pilot da la maschina saja vegnì inditgà ina fallada autezza da sgol.

La collisiun dal aviun cun il grip ha laschà enavos in tac ner. Bild in Lightbox öffnen.

Legenda da maletgs: La collisiun dal aviun cun il grip ha laschà enavos in tac ner. Keystone

Sco funtaunas bain infurmadas han ditg a l’emissiun «10vor10» dettia quai clers indizis che la communicaziun tranter la surveglianza a Meiringen ed il pilot saja stada problematica.

Enfin uss n’han anc betg tut ils involvids pudì vegnir interrogads

Para saja vegni inditgà ina fallada indicaziun d’autezza, cura ch’il sbagl saja vegni chattà era quai gia memia tard. Tenor in pledader da la giustia militara na saja l’accident betg anc sclerì dal tuttafatg. La surveglianza da sgola saja in dals objects d’examinaziun sco adina tar in accident da sgol. Il mument vegnia investigà pli lartg. Tut ils detagls na sajan betg sclerids.

Fin uss n’han anc betg tut ils collavuraturs pudì vegnir interrogads da la giustia militara. Per tuts vala la presumziun d’innocenza.

RR novitads 20:00