L'onn 2015 ha l'industria d'uras puspè scolà dapi emprendists. Passa 400 emprendists han serrà giu lur scolaziun en ina da las branschas da quest'industria. Quai ha la federaziun dals patruns da l’industria d’uras communitgà.
Anc avant 10 onns haja dat be var 190 emprendists. En pli ha la branscha fixà 490 contracts d'emprendissadi novs. Quai èn 3,8% dapli che l'onn passà.
La raschun per quest augment marcant tar il dumber dad emprendists sajan las stentas da la branscha per chattar emprendists novs. Quai concluda la federaziun da patruns da l’industria d’uras sezza.
