Siglir tar il cuntegn

Header

In screen shot dad in post sin Facebook. Il cuntegn è la brevs da chadaina per recaltgar ils dretgs vid ils agens posts sin facebook.
Legenda: Brev da chadaina sin Facebook sa darasa. RTR, M. Decurtins
cuntegn

Svizra Facebook dastga duvrar tut mias datas, u betg?

Sin Facebook cursescha il mument ina brev da chadaina. Cun quella decler'ins en in post, che Facebook na dastga betg pli duvrar las fotografias, ils videos ni er ils texts. Ma uschè simpel n'è quai betg.

Forsa avais er Vus legì ils davos dis sin Facebook il suandant messagi che in da Voss amis da Facebook ha fatg in post ordlonder.

Screenshot da la brev da chadaina sco post sin Facebook
Legenda: Brev da chadaina sco post. Facebook

Tuna bun ed endretg – mias datas, sco fotografias, videos u texts na dastgan betg pli vegnir duvrads da Facebook.

Ma tge è quai propi:

  • art. 111, 112, 113 dal Cudesch penal
  • UCC 1-308
  • Statut da Roma

Tuna iester, u na?

Il protectur da datas Grischun, Thomas Casanova sa dapli:

Video
Thomas Casanova sur da la brev da chadaina
Or da RTR dals 07.03.2016.
laschar ir

Sut il stritg pon ins pia dir: Tut quai che stat scrit en quai messadi è ina paraula ed i porta insumma nagut da far in post cun quai messadi. Quai n’interessescha insumma betg Facebook. Cun s’annunziar tar la rait sociala han ins ditg «GEA» a tut las cundiziuns. La suletta varianta ch’ins ha è da gnanc s’annunziar tar Facebook u puspè sortir.

Dentant i n’è betg uschia, che Facebook dastga simplamain far tut:

Video
Thomas Casanova sur da Facebook
Or da RTR dals 07.03.2016.
laschar ir

Pia la proxima giada che uschia ina brev da chadaina cursescha sin Facebook, simplamain ignorar. Parter ni è far in post cun la brev da chadaina na porta numnadamain nagut. Tenor il protectur da datas Thomas Casanova porti dapli da studegiar, sch'ins vul propi surdar a Facebook tut ils dretgs vid il material ch'ins metta sin il portal da social media.

Dal reminent: il cuntegn dal post cun la brev da chadaina tutga era a Facebook. ;)

E la sfera privata?

Thomas Casanova cusseglia: Far adatg, tge ch'ins metta online!

Tgi po vesair quai ch’jau met online? Èsi propi necessari che tuts pon guardar mes profil? E cunzunt cura ch’i va per far in post èsi da sa dumandar: Vul jau propi che quai è online ni è quai forsa tuttina memia privat?

RTR/bu

Artitgels legì il pli savens

Nach links scrollen Nach rechts scrollen