Siglir tar il cuntegn

Svizra Famiglia cun dus uffants mora tar accident d'aviun a Hergiswil

En il chantun Sutsilvania è la sonda a bun'ura crudà giu in aviun pitschen. Tar l'accident han 4 persunas pers la vita.

Helicopter che stizza il fieu.
Legenda: Helicopter che stizza il fieu. Keystone

A Hergilswil en il chantun Sutsilvania è in aviun pitschen crudà giu la sonda avant mezdi. Sco la polizia dal chantun Sutsilvania ha confermà envers la «Luzerner Zeitung», han 4 persunas pers lur vita durant l'accident. Tar las unfrendas sa tractia da duas persunas creschidas e dus uffants minorens da la Svizra Centrala.

Las circumstanzas da l'accident n’èn anc betg enconuschentas. Pervia da l'accident haja il conturn tschiffà fieu. Pumpiers, la Rega, la Polizia chantunala e servetschs da salvament èn en acziun.

RR novitads 12:00 +