Siglir tar il cuntegn
cuntegn

Svizra Fanestras avertas e l’energia è ora en l’aria

Las chasas modernas na dovran betg tant energia sco chasas veglias. Ma in studi nov mussa che chasas da pliras famiglias da minergia dovran bler dapli energia. Uss vegn discutà sur da mesiras per schliar questa situaziun.

La surbajegiada «Freilager» a Turitg.
Legenda: La surbajegiada «Freilager» a Turitg dovra dapli energia che quintà. Keystone

Surbajegiadas da minergia sco per exempel il «Brunnenhof» a Turitg ni il «Burgunder» a Berna valan sco projects exemplarics ecologics. Ma sco retschertgas da biros d’inschigners mussan dovra per exempel la surbajegiada «Burgunder» 200% dapli energia da stgaudar che planisà. Ed era autras surbajegiadas cun il label da minergia dovran massiv dapli energia che previs, rapporta radio SRF.

Laschar avert fanestras è fauss

Savens sajan las ventilaziuns ni las storas da sulegl buc regladas correct ed ils locataris ageschian era per part fauss. Uschia laschian els savens avert fanestras e quai er l’enviern.

L’Uffizi federal d’energia tschertga uss per schliaziuns per megliurar la situaziun actuala.

RR novitads 11:00