Las bancas svizras cun ristg sistemic duajan ademplir pli autas pretensiuns davart l' agen chapital, uschia vul il cussegl federal realisar las propostas d’ina gruppa d’experts. Perquai ha il cussegl federal incumbensà il departament da finanzas d' elavurar propostas enfin la fin dal onn.
Tant il Cussegl federal sco era la gruppa d'experts, ch'è sut la direcziun da Aymo Brunetti, èn persvas che la Svizra fetschia buna figura cun sias cundiziuns cunter la problematica da "too big to fail". I dovria nagina nova orientaziun scriva il secretariat per dumondas finanzialas internaziunalas. I dovria dentant mesiras supplementaras ed adattaziuns per augmentar anc dapli la resistenza da las bancas relevantas per il sistem.
