Siglir tar il cuntegn

Header

cuntegn

Far test suenter las vacanzas Appel via SMS da l’Uffizi federal da sanadad funcziuna mo pe zop

Tgi che turna da las vacanzas en Svizra, duai far in test da Covid-19. Quest appel fa l’Uffizi federal da sanadad BAG dapi l’entschatta avust – sin placats, paraids digitalas ed en l’internet.

Tgi che turna da las vacanzas en Svizra, duai far in test da Covid-19. Quest appel fa l’Uffizi federal da sanadad BAG dapi l’entschatta avust – sin placats, paraids digitalas ed en l’internet. L’idea è che tuts quels sa laschan testar, che n’èn betg vaccinads u guarids. Era da trametter in SMS cura ch’insatgi returna en Svizra, fa part da la campagna. Sco la «Neue Zürcher Zeitung» scriva, na funcziuna l’appel via SMS dentant betg propi.

Sulet tar Sunrise/UPC funcziuni

Radund trais quarts dals numers da telefonin svizzers na retschaivan betg quest messadi. La Swisscom e Salt tramettan quests SMS sulettamain a glieud da l'exteriur che sa collia cun la rait svizra, sco las interpresas han confermà envers la gasetta. Ellas fan valair raschuns tecnicas e resalvas areguard la protecziun da datas. Vitiers manchia la basa legala. Sulettamain Sunrise/UPC trametta il SMS era a numers da Svizzers e Svizras che returnan da las vacanzas.

L’Uffizi federal da sanadad BAG ha ditg sin dumonda da la NZZ, che las interpresas da telecommunicaziun tramettian ils SMS gratuit e voluntarmain. Els na possian betg prescriver a tgi che la communicaziun giaja.

audio
Per tadlar - curt e cumpact
01:16 min, RTR Audio dals 14.08.2021.
laschar ir. Durada: 01:16 minutas.

RTR novitads 12:00

Artitgels legids il pli savens

Scrollar a sanestra Scrollar a dretga