Far vinavant - vul l'iniziativa da las Alps

L'iniziativa da las Alps pretenda dal cussegl federal da transferir svelt ils transports da rauba da la via sin la viafier. La radunanza da commembras e commembers ha approvà ina resoluziun en quest senn.

In tren che svanescha cun marchanzia en in tunnel. Bild in Lightbox öffnen.

Legenda da maletgs: Far vinavant - e metter la martganzia sin ils binaris pretenda l'iniziativa da las Alps. Keystone

Limitas da CO2 per camiuns, intensivar la controlla da camiuns e tractativas davart ina bursa dal transit alpin: quai pretenda l’iniziativa da las Alps da la cussegliera federala Doris Leuthard per metter enturn l’incumbensa da spustar il traffic da raubas sin il tren.

La lescha prevesa da limitar la cifra da camiuns che passan ad onn tras las alps fin al 2018 sin 650’000 camiuns. Malgrà ch’il transit sin ils binaris crescha, èn charrads dal 2015 anc passa 1 milliun camiuns tras las Alps.

Cun il nov tunnel dal Gottard che vegn inaugurà en in'emna haja la viafier avunda capacitads per superar il traffic da rauba transalpin. Quai ha ditg il president da l'iniziativa da las Alps, Jon Pult, ad Altdorf.

RR novitads 17:00