Legenda:
Meds omeopatics ed autras medischinas han dà schlantsch a l'export svizzer.
Keystone
cuntegn
Svizra - Farma e chemia han marcà ils exports
L'economia svizra ha exportà dapli il matg, quai per la 5avla giada en seria. Il resultat saja surtut influenzà dals pretschs da medicaments ch`èn creschids, communitgescha l'Administraziun federala da duana. En total è vegnì exportà rauba en ina valita da 17,3 milliardas francs.
La valur dals products chemic-farmazeutics ch'èn vegnids exportads è creschida per passa 22% cumpareglià cun l'onn avant. Cunquai che l'industria da farmazia è lunsch ora la pli impurtanta pitga da l'industria d'export ha l'effect dal pretsch er influenzà il resultat total. Cumpareglià cun l'avrigl èn ils exports creschids per 0,3%.
Ils imports èn s'augmentads il matg sin 13,5 milliardas francs. Cumpareglià cun il matg d'avant in onn è quai in plus da 5,5%.
