Farmazia - La Svizra tutga tar l'elita mundiala - Novitads

Farmazia La Svizra tutga tar l'elita mundiala

La branscha da farmazia svizra tutga tar las meglras dal mund. Pli cumpetitiva saja sulettamain quella dals Stadis Unids. Quai mussa in studi per incumbensa da la federaziun interprofessiunala «Scienceindustries».

Autur: SDA / Samuel Sossai

Areguard la valur è la branscha da farmazia responsabla per dapli che la mesadad da tut ils exports svizzers. En tut ils secturs da l’analisa saja la Svizra tranter ils top trais pajais dal mund. Quai na gartegia uschiglio a nagin auter.

Quai ha ditg Michael Grass dal BAK Basilea envers Radio SRF. El ha fatg la rangaziun da la federaziun interprofessiunala. Tuttina na dastgian las circumstanzas per interpresas betg vegnir mendras en Svizra avertescha la federaziun interprofessiunala.